وائٹ کڑاہی

 چکن وائٹ کڑاھی

چکن وائٹ کڑاھی سرخ مرچوں کے بغیر دہی اور کریم شامل کر کہ بنائی جاتی ہے اور بہت لذیذ بنتی ہے-

چکن وائٹ کڑاھی بنانے کے لئے درکار اجزاء

1- چکن کڑاھی کٹ آدھا کلو گوشت

2- دہی ایک پاو

3- کریم آدھا کپ

4- ادرک لہسن پیسٹ 2 کھانے کے چمچ

5- ادرک کا ایک انچ کا ٹکڑا گارنش کے لئے لمبائی کے رخ باریک کاٹ لیں

6- سفید زیرہ ایک کھانے کا چمچ توئے پر ہلکا سا ڈرائی روسٹ کر کہ پیس لیجئے

7- خشک دھنیا ایک کھانے کا چمچ توئے پر ہلکا سا ڈرائی روسٹ کر کہ پیس لیجئے

8- دکنی مرچ پسی ہوئی دو چائے کے چمچ یا حسب ذائقہ (سفید مرچ یہ بالکل کالی مرچ کی طرح کی ہوتی ہے) 

9- ایک چائے کا چمچ یا حسب ذائقہ نمک

10- سبز مرچ  دو عدد باریک کاٹ لیجئے گارنش کے لئے

11- سبز دھنا ایک کھانے کا چمچ گارنش کے لئے

12- کھانا پکانے کا تیل آدھا کپ یا حسب ضرورت

ترکیب

دہی میں سفید زیرہ، خشک دھنیا، دکنی مرچ اور نمک مکس کر کہ رکھ لیجئے-

اب ایک کڑاہی میں کھانا پکانے کا تیل ڈال کر گرم کر لیں اور درمیانی سے تیز آنچ پر چکن کو فرائی کر لیجئے- جب چکن اپنا رنگ تبدیل کر لے تو ادرک لہسن کا پیسٹ ڈال کر ہلکا سا فرائی کریں- اب اس میں دہی جس میں سفید زیرہ، خشک دھنیا، دکنی مرچ اور نمک مکس کر کہ رکھا تھا ڈال کر پانی خشک ہونے تک پکائیں- اس کے بعد کریم ڈال کر دو منٹ تک پکائیں اور برتن میں نکال کر ادرک، سبز دھنیے اور سبز مرچ سے سجا لیجئے-

Shahzad shafiq hijama centre 

0321 2773576

03122001310