دارچینی کے فوائد

 دار چینی کے چھ حیران کُن فوائد، 

دارچینی کا شمار دنیا بھر میں استعمال ہونے والے معروف ترین مصالحہ جات میں ہوتا ہے۔ اس کی خوشبو دنیا کی بہترین خوشبوئوں میں سے ایک شمار کی جاتی ہے۔ دارچینی ہر گھر کے باورچی خانے میں موجود ہوتی ہے ۔ اس کے بے شمار فوائد ہیں جن میں سے چھ یہاں درج ہیں۔دل کی صحت کے لیے بہترین جدید تحقیقوں سے

ثابت ہوا ہے کہ دار چینی دل کی بیماریوں کے اسباب کو کم کرنے میں مدد کرتی ہے۔ دارچینی کے استعمال سے کولیسٹرول لیول اور بلند فشارِ خون بھی قابو میں کیا جاسکتا ہے۔ دار چینی خون کے بہائو کو بہتر کرتی ہے اور جسمانی ٹشو کو اپنی مرمت کرنے میں مدد کرتی ہے۔دارچینی ذیابطیس سے بچاتی ہےدارچینی ذیابطیس کو بھی قابو میں رکھتی ہے۔ اس کا باقائدہ استعمال خون میں شوگر لیول کو کم کرتا ہے۔ دارچینی ایسے انزائمز کی روک تھام کرتی ہے جو خون میں شوگر کی مقدار کو بڑھاتے ہیں۔

کینسر سے بچائو میں مددگاردارچینی کینسر سے بچائو میں بھی مددگار ثابت ہو سکتی ہے۔ سائنسدانوں کے مطابق دارچینی میں سینامیلڈیہائیڈ نامی ایک مرکب ہوتا ہے جو کہ کینسر کو بڑھنے سے روکتا ہے اور ڈی این اے میں تبدیلی کے خلاف بھی معاون ثابت ہوتا ہے۔دانتوں کو صحت مند بناتی ہےدار چینی منہ کی بدبو کو کم کرتی ہے اور دانتوں کو مضبوط بناتی ہے۔ اس کے علاوہ دارچینی دانتوں کی صحت کے لیے بھی مفید ہے۔ کئی کمپنیاں اپنی چیونگ گم میں دار چینی کا استعمال کرتی ہیں۔جلد کو خوبصورت بناتی ہےدارچینی کے اینٹی بائیوٹک اور اینٹی مائیکروبئیل اثرات کی وجہ سے اسے میک اپ کی اشیاء میں بھی استعمال کیا جاتا ہے۔ 

اکثر لوگ دارچینی کو پیس کر دیگر اجزاء کے ساتھ ملا کر چہرے پر بھی لگاتے ہیں جس سے چہرے پر نکھار پیدا ہو جاتا ہے۔وزن کم کرتی ہےیونیورسٹی آف مشی گن کی ایک تحقیق کے مطابق دارچینی میں شامل سینامیلڈیہائیڈ نامی مرکب وزن کم کرنے میں مددگار ثابت ہوتا ہے۔ یہ مرکب انسانی جسم کے میٹابولزم کو تیز کرتا ہے اور تھرموگینیسز نامی عمل کی بدولت خلیوں میں کیلوریز جلانے کے عمل کو شروع کرتا ہے۔دار چینی والے دودھ کے حیران کن فوائد

دارچینی ایک نہایت فائدہ مند مصالحہ ہے جس کا باقاعدہ استعمال بے شمار فوائد کا سبب بنتا ہے، ماہرین کے مطابق دارچینی والے دودھ کا روزانہ استعمال کئی مسائل سے نجات دلا سکتا ہے۔

طبی ماہرین کا کہنا ہے کہ دارچینی میں پایا جانے والا اینٹی آکسیڈنٹس جسم کے اندر مضر صحت اجزا کے خلاف جدوجہد کرتے ہیں اور ایسے مالیکیولز کی پیداوار روکتے ہیں جو جسم کے لیے نقصان دہ ثابت ہوتے ہیں۔

دار چینی میں موجود اینٹی آکسیڈنٹس مجموعی طور پر صحت کے لیے فائدہ مند ثابت ہوتے ہیں۔

دار چینی میں موجود کمپاونڈز بہت سی اینٹی بیکٹیریل خصوصیات سے بھرپور ہوتے ہیں جو صحت اور خوبصورتی دونوں کے لیے ہی فائدہ مند ہیں، ویسے تو دارچینی خود بھی ایک اچھی دوا ہے لیکن اسے دودھ کے ساتھ ملا کر پینا اور بھی فائدہ مند ہے۔

دار چینی والا دودھ کئی بیماریوں میں مفید ہے ، دار چینی والا دودھ بنانے کے لیے ایک کپ دودھ میں آدھا چمچ دار چینی پاؤڈر ڈال کر اچھی طرح مکس کر لیں، اس دودھ کو پینے کا کوئی نقصان نہیں لیکن پھر بھی پینے سے پہلے احتیاطاً ڈاکٹر سے مشورہ کرلیں۔

اس کے بے شمار فوائد ہیں۔

دار چینی والا دودھ ہاضمے کے لیے نہایت فائدہ مند ہے، یہ قبض ختم کر کے گیس کا مسئلہ حل کرتا ہے۔

دار چینی میں کئی ایسے کمپاؤنڈ پائے جاتے ہیں جو بلڈ شوگر کو کنٹرول کرنے میں مدد کرتے ہیں، خاص طور پر ٹائپ 2 ذیابیطس کے مریضوں کے لیے مفید ثابت ہوتا ہے۔

بے سکون اور بے خوابی کا مسئلہ بھی سونے سے قبل ایک گلاس دار چینی والے دودھ سے حل ہوسکتا ہے۔

دار چینی والا دودھ پینے سے بالوں اور جلد سے منسلک تقریباً ہر مسئلہ دور ہو جاتا ہے، اس کی اینٹی بیکٹیریل خصوصیات جلد اور بالوں کو انفیکشن سے محفوظ رکھ کر ان کی بہتر نشونما کرتا ہے۔

ہڈیوں کی مضبوطی کے لیے لوگ سالوں سے دار چینی دودھ کا استعمال کرتے آرہے ہیں، اس دودھ کے باقاعدہ استعمال سے گٹھیا کا مسئلہ دور ہو جاتا ہے

Shahzad shafiq hijama

0321 2773576 0312 2001310